убликуются тексты с сюжетом о приглашении Рюрика в трех древнейших вариантах: 1) Новгородской первой летописи младшего извода (старший список — середины XV в.), где, по мнению большинства исследователей, сохранился текст более раннего, чем «Повесть временных лет» начала XII в., памятника — так называемого Начального свода конца XI в.; 2) «Повести временных лет» по Лаврентьевской летописи (памятник начала XIV в., дошла в списке 1377 г.); 3) «Повести временных лет» по Ипатьевской летописи (памятник конца XIII в., старейший список начала XV в.) с имеющими содержательное значение вариантами по Радзивиловской летописи (памятник начала XIII в., дошла в списке конца XV в.), где рассказ близок к тексту Ипатьевской¹.
Новгородская первая летопись младшего извода2 (текст, восходящий к «Начальному своду» конца XI в.) | «Повесть временных лет» по Лаврентьевской летописи3 | «Повесть временных лет» по Ипатьевской летописи5 |
В лѣто 6362 (854) <в начале статьи рассказывается об основании Киева братьями Кием, Щеком и Хоривом, о походе Руси на Царьград, о дани с полян хазарам и о вокняжении в Киеве Аскольда и Дира>. Во времена же Кыева и Щека и Хорива новгородстии людие, рекомии словени, и кривици, и меря: словене свою волость имѣли, а кривици свою, а мере свою; кождо своимъ родомъ владяше; а чюдь своимъ родом; и дань даяху варягомъ от мужа по бѣлѣи вѣверици; а иже бяху у них, то ти насилье дѣяху словеномъ, кривичемъ и мерямъ и чюди. И въсташа словенѣ и кривици и меря и чюдь на варягы, и изгнаша я за море; и начаша владѣти сами собѣ и городы ставити. И въсташа сами на ся воеватъ, и бысть межи ими рать велика и усобица, и въсташа град на град, и не бѣше в нихъ правды. И рѣша к себѣ: «князя поищемъ, иже бы владѣлъ нами и рядилъ ны по праву». Идоша за море к варягомъ и ркоша: «земля наша велика и обилна, а наряда у нас нѣту; да поидѣте к намъ княжить и владѣть нами». Изъбрашася 3 брата с роды своими, и пояша со собою дружину многу и предивну, и приидоша к Новугороду. И сѣде старѣишии в Новѣгородѣ, бѣ имя ему Рюрикъ; а другыи сѣде на Бѣлѣозерѣ, Синеусъ; а третеи въ Изборьскѣ, имя ему Труворъ. И от тѣх варягъ, находникъ тѣхъ, прозвашася Русь, и от тѣх словет Руская земля; и суть новгородстии людие до днешняго дни от рода варяжьска. По двою же лѣту умрѣ Синеусъ и брат его Труворъ, и прия власть единъ Рюрикъ, обою брату власть, и нача владѣти единъ. <Далее рассказ о походе Игоря и Олега на Киев.> | Въ лѣто 6367 (859). [И] маху дань варязи изъ заморья, на чюди, и на словѣнех, и на мери, и на всѣхъ кривичѣхъ. А козари имаху на полянѣх, и на сѣверѣх, и на вятичѣхъ, имаху по бѣлѣи вѣверицѣ от дыма. Въ лѣто 6368 (860). Въ лѣто 6369 (861). [В лѣто 6370]4(862). Изъгнаша варяги за море, и не даша имъ дани. И почаша сами в собѣ володѣти, и не бѣ в нихъ правды, и въста родъ на род, быша в них усобицѣ, и воевати почаша сами на ся. Рѣша сами в себѣ: «Поищемъ собѣ князя, иже бы володѣлъ нами и судилъ по праву». Идаша за море к варягомъ, к руси; сице бо ся звахуть и варязи суть, яко се друзии зъвутся свое, друзии же урмане, анъгляне, друзии гъте, тако и си. Рѣша русь чюдь, словени, и кривичи вся: «Земля наша велика и обилна, а наряда в неи нѣтъ. Да поидѣте княжить и володѣти нами». И изъбрашася 3 братья с роды своими, пояша по собѣ всю русь, и придоша старѣишии Рюрикъ… а другии, Синеусъ, на Бѣлѣозерѣ, а третии Изборьстѣ Труворъ. От тѣхъ прозвася Руская земля, новугородьци, ти суть людье ноугородьци от рода варяжьска, преже бо бѣша словѣни. По дву же лѣту умре Синеусъ и братъ его Труворъ, и прия власть Рюрикъ, и раздая мужем своимъ грады, овому Полотескъ, овому Ростовъ, другому Бѣлоозеро. И по тѣмъ городомъ суть находници варязи, а перьвии насельници в Новѣгородѣ словѣне, Полотьски кривичи, в Ростовѣ меря, в Бѣлѣозерѣ весь, в Муромѣ мурома. И тѣми всѣми обладаше Рюрикъ. <Далее рассказ о вокняжении в Киеве Аскольда и Дира.> | В лѣто 6367 (859). Имаху дань варязи, приходяще изъ заморья, на чюди, и на словѣнехъ, и на меряхъ, и на всѣхъ кривичахъ. И а козаре имахуть на полянех, и на сѣверехъ, и на вятичихъ, имаху по бѣлѣи вѣверици тако от дыма. В лѣто 6368 (860). В лѣто 6369 (861). В лѣто 6370 (862). И изгнаша варягы за море, и не даша имъ дани. И почаша сами в собѣ володѣти, и не бѣ в нихъ правды, и въста родъ на род, и быша усобицѣ в них, и воевати сами на ся почаша. И ркоша: «поищемъ сами в собѣ князя, иже бы володѣлъ нами и рядилъ по ряду, по праву». Идоша за море к варягом, к руси; сице бо звахуть ты варягы русь, яко се друзии зовутся свее, друзии же урмани, анъгляне, инѣи и готе, тако и си. Ркоша русь6 чюдь, словенѣ, кривичи и вся: «Земля наша велика и обилна, а наряда в неи нѣтъ. Да поидете княжити и володѣть нами». И изъбрашася трие брата с роды своими и пояша по собѣ всю русь, и придоша к словѣномъ пѣрвѣе, и срубиша город Ладогу, и сѣде старѣишии в Ладозѣ Рюрик, а другии, Синеусъ, на Бѣлѣозерѣ, а третѣи, Труворъ, в Изборьсцѣ. И от тѣхъ варягъ прозвася Руская земля7. По дъвою же лѣту умре Синеусъ и братъ его Труворъ, и прия Рюрикъ власть всю одинъ. И пришед къ Ильмерю, и сруби город надъ Волховом, и прозваша и Новъгород, и сѣде ту, княжа, и раздая мужемъ своимъ волости, и городы рубити, овому Полътескъ, овому Ростовъ, другому Бѣлоозеро. И по тѣмъ городомъ суть находницѣ варязи; пѣрвии наслѣдници8 в Новѣгородѣ словенѣ, и в Полотьскѣ кривичи, Ростовѣ меряне, Бѣлѣозерѣ весь, Муромѣ мурома. И тѣми всѣми обладаше Рюрикъ. <Далее рассказ о вокняжении в Киеве Аскольда и Дира.> |
-----------------------------------------------------------------------------------
1 Тексты подготовлены А.А. Горским. Перевод рассказов Начального свода и «Повести временных лет» о приглашении Рюрика на княжение на современный русский язык см. в статье А.А. Горского в настоящем номере журнала.
2 Новгородская первая летопись старшего и младшего изводов. М.; Л., 1950. С. 105–106.
3 Полное собрание русских летописей. Т. 1. М., 1997. Стб. 19–20.
4 В Лаврентьевской летописи дата пропущена.
5 Полное собрание русских летописей. Т. 2. СПб., 2001. Стб. 13–15. Варианты по Радзивилловской летописи: Там же. Т. 38. Л., 1989. С. 16.
7 В Радзивиловской добавлено: Новгород. Тии суть людие новгородци от рода варежска, преже бо бѣ.